【Emily】警函區會主席叫譴責議員
[2020.03.20] 發表
【明報專訊】警隊近來「愈戰愈勇」，除咗去信港台話《頭條新聞》內容抹黑，近日又去信中西區區議會主席、民主黨鄭麗琼，話區議員葉錦龍喺會議針對警方，向警方發出毫無根據指控；又話另一區議員、民主黨甘乃威多次口出惡言，用「黑警」侮辱警方代表。警方要求琼姐譴責有關議員，琼姐喺facebook公開信件，並諮詢大家應該點處理。Emily噚日搵過琼姐，但佢要主持區議會會議，截稿前未覆。
警方今個月13號分別去信琼姐同中西區區議會交通及運輸委員會主席葉錦龍。警方話葉喺會上針對警方、曲解警方代表發言內容，提出毫無根據嘅指控，但又唔畀警方回應。警方叫葉「三省吾身」，以公正合理方式主持會議。葉回應話當時裁決係「全部官員都要戴證」，唔係針對某一部門，質疑警方係咪「自視高人一等」。
甘威：係咪黑警自有公論
甘乃威就話，警員係咪「黑警」公眾自有公論，話自己服務居民超過四分一世紀，「我嘅責任係不向黑勢力及惡勢力低頭」，話喺會議中只係會挑戰黑勢力、惡勢力同唔守議會規則嘅人。
更多港聞
【明報專訊】新民黨容海恩（Eunice）退出黨內嘅新界東初選，認為機制係為某人度身訂做、結果內定。佢老公袁彌昌向傳媒批評，新民黨主席葉劉淑儀...
詳情
【明報專訊】財政預算案中，2020/21年度公務員培訓嘅預算開支係1.7億元，較2019/20年度嘅修訂預算增加9.4%。公務員事務局回覆E...
詳情
【Emily】佔中八子為KM補祝生日 三唱願榮光??
【明報專訊】佔中發起人陳健民（KM，圖一右）上周六出獄，早前喺獄中度過61歲生日，佔中案其他被告同天主教香港教區榮休主教陳日君樞機前晚為佢補... 詳情
相關新聞
