【Emily】開會協調超區 泛民達共識搞初選

[2020.04.30] 發表

【明報專訊】民主派立法會選舉嘅協調工作如火如荼，前晚就舉行「超級區議會」界別嘅協調會議，據了解，會上至少有7個政團或有興趣人士出席會議。會議似乎幾順利，大家初步都認同要搞初選，暫傾向喺初選時，每名市民可以有4票，選出4隊泛民人馬。超區界別有5席，過去兩屆選舉都係民主派取3席、建制派取兩席。

民主黨、公民黨、社民連、新同盟，素人如荃灣區議員岑敖暉同南區區議員司馬文等都有出席會議。據悉會議達成初選嘅共識，會上大家另一關注點係被DQ嘅問題，故都有討論Plan B點運作。

劉頴匡：積極考慮選新界東

另一方面，陸續有人表態積極考慮參加立法會選舉。民間集會團隊發言人劉頴匡宣布積極考慮出戰新界東，佢話大半年以來，佢同各民間團體合力籌備過十幾場橫跨唔同戰線嘅遊行集會，深感街頭戰線、工會戰線、經濟戰線、國際戰線缺一不可。佢希望未來可以代議士身分進一步集結民間力量，為議會戰線開拓新局面。

劉頴匡曾報名參加2018年新界東補選，佢當時報稱係獨立本土派，最終被選舉主任指獲青年新政梁頌恆支持而被DQ，未能入閘。

更多港聞

【明報專訊】立法會噚日就《財政預算案》二讀，民主派狠批預算案中警方開支大增，保安局長李家超噚日就預算案發言時借題發揮，鬧泛民提出削減警隊開支... 詳情

【明報專訊】經民聯立法會議員張華峰（左二）周六就係68歲生日，一班黨友噚日提早同佢慶生。疫情下，肥老闆維持大好友本色，講笑話今年願望係恒指重... 詳情