【Emily】林健鋒開香檳 主席提唔好噴地氈
[2020.10.24] 發表
【明報專訊】經民聯副主席林健鋒(Jeffrey)噚日69歲生日，梁君彥、張華峰等黨友同佢慶祝，張華峰仲貢獻出一支抽獎得嚟嘅香檳。正當Jeffrey準備開香檳時，立法會主席梁君彥喺一旁講笑，叫對方唔好噴到地氈，唔係就可能好似前議員朱凱廸、陳志全咁，要被罰11萬元清潔費。
Jeffrey話生日願望係香港盡快「開關」，人人有工做，又希望特首林鄭月娥將港人心願帶上北京，然後帶番啲惠港政策返嚟，期待香港明年會更好。同唔少父母一樣，Jeffrey亦希望兒子早日成家立室。除咗同黨友慶祝，Jeffrey朝早去咗探中環匯豐銀行總行門前嘅銅獅子，佢話希望匯豐股價能「收復失地」，認為匯豐嘅穩定對香港經濟有好大嘅正面影響。
更多港聞
【Emily】《再說皇都》網上研討會 頭炮細說北角
【明報專訊】68年歷史、屬一級歷史建築物嘅北角皇都戲院，係北角同香港娛樂文化地標，早前被申請強制拍賣，近日由新世界發展投得，將展開保育同復修... 詳情相關新聞
