巴士情殺案被告：原擬盂蘭自殺「免投胎」
[2020.11.26] 發表
【明報專訊】3年前一輛行駛中的城巴發生命案，升讀理大護理學士課程的女乘客遭捅33刀致死。其任職助理工程師的男友早前否認謀殺，案件昨在高等法院續審，男友繼續出庭自辯。他稱女友提出分手後，因聽聞盂蘭節當日去世的人會「投唔到胎」，曾打算當日自殺。他有感二人後來只是「扮好番」，「(女友)應承唔會再丟低我，但都係丟低我」。
被告吳欣鍵(現年25歲)被控於2017年9月16日謀殺李倩姮(終年20歲)。他供稱自2017年7月任職助理工程師，「每日喺地盤行嚟行去，做地盤佬……其他同學畢業，著西裝、涼冷氣，嗰啲就真係工程師」。當死者獲大學取錄，被告稱覺得「Annie(死者洋名)未來做護士，睇唔起我係地盤佬」。
感死者升大學後嫌棄自己
被告續稱，死者同年9月提出分手，自己「驚佢唔同我一齊，諗唔到無咗佢生活點過」，又稱曾打算在盂蘭節當日自殺，「聽過啲人話盂蘭節死嗰啲人投唔到胎，投唔到胎唔再有下一世，唔使咁辛苦」。被告其後接聽死者來電，並與對方見面，死者當時邊哭邊擁抱被告，稱假如被告「死咗我點算」。
至案發前6日，死者曾帶被告回家吃飯，被告稱當時感意外，認為二人已和好，惟當死者母親邀請再次飯敘，卻遭死者拒絕，令他有感「都係嫌我配唔起佢啫」。
被告稱，案發當日二人再次爭吵，死者曾稱「大家唔好再見」，當時感驚慌和不開心，形容自己其後乘的士前往死者住所樓下，惟忘記其後發生何事，醒來時已身處東區醫院。聆訊今續。
【案件編號：HCCC329/18】
更多港聞
【Emily】先稱被帶署後刪帖 警批抹黑 議員盧俊宇涉浪費警力被捕
【明報專訊】民主黨屯門區議員盧俊宇上周六喺facebook發文，話自己到鳳攸北街公園協助被捕市民，但被警員「反手捉緊」到有痛楚，之後被帶返警... 詳情
【Emily】特首面前 曾國衞不敵睡魔 張華峰聯絡攞大閘蟹
【明報專訊】特首林鄭月娥噚日喺立法會發表《2020年施政報告》，宣讀時間超過兩個鐘，要時刻專注都唔係咁容易。好似行政會議成員李國章一度用平板... 詳情
相關新聞
