【Emily】皇都戲院料月底展開前期鑽探
[2020.12.23] 發表
【明報專訊】新世界發展10月透過強拍，以底價47.76億元投得一級歷史建築北角皇都戲院大廈，原來早前已經完成法律程序，正式成為該地段嘅業權持有人。新世界發言人噚日同Emily講，佢哋會盡力保育及復修呢幢一級歷史建築，預計本月底前，建築團隊會開展前期嘅鑽探工程，並會抽取樣本，分析戲院嘅地基結構。
發言人又話，如果街坊見到有工程人員喺大廈出出入入，並拆走一啲物件，千祈唔好誤會佢哋想拆樓，其實係根據項目保育顧問、英國建築事務所Purcell嘅評估，要將戲院內部有歷史價值嘅物件運走並妥善保存，包括戲院舊座椅組件。運走呢啲物件後，工程人員就會清拆桌球室地台同假天花，舊戲院遺蹟面貌就可重現，之後會做立體掃描，有助擬定詳細保育方案。
更多港聞
【Emily】郵政售境外郵品 有「哆啦A夢」Miffy
【明報專訊】鍾意卡通人物嘅郵票迷又有新玩意，香港郵政噚日宣布，由今日起發售內地、澳門及海外集郵品，包括日本郵政發行嘅「哆啦A夢」、「Miff... 詳情
【Emily】除夕倒數移師網上 播片迎2021年
【明報專訊】第四波疫情持續，旅發局之前話今年唔會喺維港兩岸放煙花倒數，亦唔會好似上年咁搞網上大抽獎，咁仲有咩好搞呢？旅發局噚日宣布首次將「除... 詳情相關新聞
