【Emily】監察西九委會兩分鐘選主席 劉國勳自動當選
[2021.01.05] 發表
【明報專訊】民主派議員總辭後，唔少立法會嘅會議都加速進行。「監察西九文化區計劃推行情况聯合小組委員會會議」噚日開會選舉正副主席，體育、演藝、文化及出版界議員馬逢國提名民建聯劉國勳出任主席，喺無其他提名下，劉國勳自動當選，過程唔夠兩分鐘，最後連副主席都唔使選，就直接繼續其他議程；整個會議開咗大約5分鐘就結束。
只有民建聯鄭泳舜就下次開會事項提意見，佢話贊成討論發展項目嘅進度，但喺疫情下戲曲中心內嘅餐飲、表演業深受打擊，建議西九文化區管理局下次交代相關支援，阿舜擔心呢啲行業做唔住。劉國勳回應話，會同政府商討並邀請官員出席會議。根據委員會文件，下次會議將於1月18日舉行，屆時政府會匯報西九文化區計劃硬件上嘅最新發展等。
更多港聞
【明報專訊】學友社2020年「全港中學生十大新聞選舉」結果噚日出爐，排首位嘅唔係本地疫情或事件，反而係外國新聞。澳洲山火以59.3%得票率成...
詳情
【Emily】郭榮鏗出書《當守的道》 暫無簽名會
【明報專訊】唔少政界人物都會出書講心路歷程，早前喺人大常委會「決定」下被DQ（取消資格）嘅立法會前法律界議員郭榮鏗（Dennis），將會出版... 詳情
【Emily】收集盆菜盆送狗場 范國威：400個走唔甩
【明報專訊】過時過節唔少家庭都會食盆菜，新民主同盟早前同狗場合作，收集金屬盆畀狗狗做糧兜、水兜，行動上月31日截止，西貢區議員范國威（Gar... 詳情
【Emily】立會用Zoom 容海恩港鐵站開會
【明報專訊】立法會司法及法律事務委員會噚日用Zoom軟件舉行政策簡報會，唔少議員都喺屋企或辦公室用Zoom，新民黨容海恩（Eunice）嘅背... 詳情
相關新聞
