【Emily】中學生選十大新聞 澳洲山火居首 疫情國安法列二三
[2021.01.05] 發表
【明報專訊】學友社2020年「全港中學生十大新聞選舉」結果噚日出爐，排首位嘅唔係本地疫情或事件，反而係外國新聞。澳洲山火以59.3%得票率成為去年十大新聞榜首，而持續約一年嘅新冠肺炎就以0.2個百分點之差排名第二。
學友社料因網上睇新聞見山火畫面
2020年選舉喺上年11月24日至12月17日舉行，投票中學生人數近3.4萬，學友社話為響應環保及減少學校統計票數行政工作，總選除紙本投票，亦會加設網上投票方式。澳洲山火連燒多月嘅新聞得票近2萬，學友社認為，中學生喺社交媒體閱讀新聞嘅習慣，令同學更有機會從畫面感受到山火對澳洲生態帶來嘅嚴重影響，而2019年嘅選舉結果當中，亦見同學對環保議題有一定關心。
中學生十大新聞選舉依次係：澳洲山火連燒多月、新冠肺炎全球大流行、《港區國安法》正式生效、新冠肺炎爆發初期醫護罷工、DSE延期考、小學教師涉散播港獨遭DQ、美國球星高比拜仁墜機亡、美媒宣告拜登勝出、特朗普確診新冠肺炎，以及美國非裔男遭警壓頸亡引發Black Lives Matter運動。
更多港聞
【Emily】郭榮鏗出書《當守的道》 暫無簽名會
【明報專訊】唔少政界人物都會出書講心路歷程，早前喺人大常委會「決定」下被DQ（取消資格）嘅立法會前法律界議員郭榮鏗（Dennis），將會出版... 詳情
【Emily】收集盆菜盆送狗場 范國威：400個走唔甩
【明報專訊】過時過節唔少家庭都會食盆菜，新民主同盟早前同狗場合作，收集金屬盆畀狗狗做糧兜、水兜，行動上月31日截止，西貢區議員范國威（Gar... 詳情
【Emily】立會用Zoom 容海恩港鐵站開會
【明報專訊】立法會司法及法律事務委員會噚日用Zoom軟件舉行政策簡報會，唔少議員都喺屋企或辦公室用Zoom，新民黨容海恩（Eunice）嘅背... 詳情
相關新聞
