【Emily】林卓廷為子女及官司賣樓套現 話應付政治寒冬 絕非為「走佬」
[2021.01.19] 發表
【明報專訊】繼支聯會主席李卓人後，民主黨副主席林卓廷(圖)近日以過千萬元賣出沙田自住物業。阿廷表明賣樓係要套現應付子女升學開支及官司開支，強調絕非賣樓「走佬」，話要走一早就走咗喇，自己想手頭寬鬆啲，「應付香港漫長的政治寒冬」。
根據地產代理資料，林卓廷喺沙田翠湖花園嘅1102呎三房單位連車位，最近交易，成交價1268萬元。佢喺2009年以552萬元買入，即帳面升值716萬元。阿廷帳面雖然有賺，但睇番屋苑成交紀錄，阿廷嘅單位呎價11,506元，而同屋苑近期交易呎價去到1.2萬至1.3萬水平，即係阿廷今次算平賣。
翠湖花園單位1268萬成交
帳面升716萬
阿廷話由於要應付官司，以及準備子女升學開支，所以要賣樓套現，暫時租樓住。阿廷目前被控多罪，刑事案包括7．21暴動罪，民事嘅有同何君堯嘅誹謗官司，佢亦提出控告警務處長鄧炳強，律師使費真係唔講得笑。
阿廷話，唔想被建制媒體「做文章」屈佢「走佬」，佢話無計劃離開，亦無可能走到，因多宗官司在身，旅遊證件都被扣起咗。
更多港聞
【Emily】陳沛然穿波衫訪問師父 黎青龍：醫生著乜顏色都得
【明報專訊】醫學界立法會議員陳沛然（陳仔）20幾年前係港大內科及肝臟科講座教授黎青龍嘅學生，後來陳仔更向黎拜師，成為腸胃肝臟科專科醫生，兩人... 詳情
【Emily】民主黨用少數族裔語言 講解防疫資訊
【明報專訊】油尖旺一帶爆疫，當中唔少居民係少數族裔，較難接觸抗疫資訊。民主黨副主席梁翊婷（Edith，左）近日就同該黨嘅社區統籌幹事（民族事... 詳情
【Emily】牛年郵品今起發售 小型張有鍍金郵票
【明報專訊】下個月就送鼠迎牛，香港郵政發行賀歲生肖郵票及相關郵品，包括首日封、郵票小型張、生肖賀年卡（圖）等，當中一套4枚嘅生肖郵票展示咗各... 詳情
相關新聞
