【Emily】傳郭榮鏗已赴加國 梁家傑：唔知行蹤
[2021.04.07] 發表
【明報專訊】有不同報道話公民黨成員、法律界前議員郭榮鏗(Dennis)已離港，有說法指佢去咗加拿大定居。Emily向Dennis查詢，暫未有回覆。公民黨主席梁家傑就話唔知郭榮鏗行蹤，亦未收到其退黨申請。
報道：妻兒亦已離港
有報道引述消息，話Dennis去年11月底已離港，妻兒亦已離港。而今年1月，Dennis出版其第一本著作《當守的道》，首批簽名版仲喺序言書室發售。
Dennis上年11月被人大決定褫奪立法會議員資格，之後宣布退出政壇。佢做立法會議員期間，以內會副主席身分主持內會主席選舉，歷時半年都未完成選舉，引發港澳辦、中聯辦罕有開名批評Dennis等一班泛民癱瘓立法會、涉公職人員行為失當。
張國鈞諷「點解唔叫埋OMDB走」
Dennis離港消息傳出後，一班建制派即時喺社交媒體冷嘲熱諷。民建聯副主席張國鈞形容「行船爭解纜，有事我走先」，又提到喺加拿大出生嘅Dennis曾聲稱已放棄加拿大護照；仲問點解唔叫埋OMDB(正還押嘅公民黨前黨魁楊岳橋嘅花名)一齊走。
更多港聞
【明報專訊】民主派立選初選案36人正在還押，噚日屯門區議員潘智鍵、王德源去到赤柱監獄，探望同為屯門區議員嘅張可森（Sam）。「屯門社區網絡」...
詳情
相關新聞
