【Emily】海關犬消防犬首「相睇」繁殖

海關同消防合作繁殖工作犬，狗媽媽是海關緝毒犬Casa（左下綠衣），狗爸爸是消防搜救犬Jack（右下紅衣），兩犬繁殖6犬Farris、Uma、Taco、Umi、Raisa同Effie（後排左起），各犬名稱首個字母可拼成「FUTURE」。（朱安妮攝）

【明報專訊】要發展成愛侶，人有「相睇」，原來狗都有「相睇」。海關同消防首次合作繁殖工作犬，狗爸係消防搜救犬Jack，狗媽係海關緝毒犬Casa，兩隻都係史賓格跳犬。消防處話畀Emily知，兩犬初次見面「相睇」時，Jack比較怕醜，領犬員花�鱄齯痐O氣幫佢�]培養感情，後來先至關係融洽，繁殖出6隻小寶寶。

幼犬寶寶今年農曆大年初一出世，改名都花足心思，分別叫Farris、Uma、Taco、Umi、Raisa和Effie，各犬首個字母拼起�蟈N係「FUTURE」(未來)；將來4隻寶寶會分配畀海關，2隻畀消防。幼犬現接受遊戲模式基礎訓練，滿1歲就轉為正規訓練，通過考核就可以成為海關搜查犬同消防搜救犬。

海外採購訓練停 工作犬需求殷

海關搜查犬課監督馬少芳話，新冠疫情下，停止派員赴海外採購犬隻同訓練，但工作犬需求殷切，所以決定同消防合作繁殖，期望搜查犬協助緝毒同搵爆炸品等。佢又話，近年有非法槍械流入本港，特別係槍械組件，預計今年底推出首批槍械搜查犬，物色緊適合�儱j查犬同領犬員。高級消防隊長羅文傑話，市民近年鍾意山野活動，山野意外較以往頻繁，希望重點培訓新搜救犬協助救援同尋找失蹤市民。