【Emily】公民黨徵二手家俬 改造總部盼添溫馨
[2021.06.04] 發表
【明報專訊】公民黨前日喺facebook出帖向各方好友徵集二手家俬，話正密鑼緊鼓準備改造總部，希望新空間體現到循環再用及共建概念。公民黨秘書長梁嘉善(Jessica)同Emily講，位於北角嘅總部用咗10年，設計畀人一種「硬邦邦」嘅辦公室感覺，所以想搞搞新意思改造，希望黨員或市民願意多花時間留喺總部，從而便利該黨嘅社區工作。
公民黨徵集嘅家俬種類唔少，包括坐地豆袋、「吧台」、書櫃等，所以出帖徵集，希望可以集結大家嘅力量。Jessica話都收到唔少市民嘅信息，有人一捐就捐出幾件家俬。至於設計嘅工作，佢笑言自己畫畫唔好睇，會交畀黨內嘅職員負責，希望改造後辦公室嘅氣氛溫馨啲，例如會將室內嘅白燈光換成其他顏色。
更多港聞
理大擬改建入口 閘機續留 曾稱社會事件後拆 學生校董轟無時間表
【明報專訊】理工大學明年85周年校慶，校方擬改建面向暢運道的校園入口。理大近日向師生及校友發信，提出3個改建該入口的設計方案，邀請他們就設計... 詳情
相關新聞
