【Emily】話係糖衣大麻 與三孩政策背道而馳 何君堯：《大叔的愛》違中國國安法
[2021.07.19] 發表
【明報專訊】ViuTV劇集《大叔的愛》上星期五大結局，唔少觀眾追睇，不過立法會議員何君堯就話套劇違反中國國安法喎。佢噚日出席書展講座，話中國傳統價值同家庭觀係夫妻一男一女，點名批評《大叔的愛》違背有關觀念，亦同國家嘅三孩政策背道而馳，仲講到劇集違反中國國安法，即係弘揚中國傳統文化、防止不良思想嘅條文。佢又形容套劇係糖衣包住嘅大麻。
何君堯噚日喺講座承認《大叔的愛》好受歡迎，但話「食糖食得多你都會糖尿病，更何况呢隻唔係糖，係糖衣包住、裏面有大麻」。
何君堯話自己唔係針對或歧視任何性取向，「但我冇責任將佢推廣」，批評套劇推動無孩家庭。
不過唔係人人都認同佢嘅睇法，「出櫃」歌手黃耀明噚日喺facebook分享有關新聞，問「使唔使將全個劇組人員拉去浸豬籠」。
黃耀明：使唔使拉全個劇組浸豬籠？
何君堯唔係第一次發表反對同志嘅言論，上月佢批評政府支持出年喺香港舉辦「同樂運動會」，形容活動經濟收益係「污糟錢」。事後特首林鄭月娥不點名回應話遺憾有議員表達意見時有啲「情緒化」，強調唔容忍分化社會甚至引起仇恨嘅言論。
更多港聞
【Emily】北區議會監察派掃把 諷泛民區議員唔辭職
【明報專訊】區議員宣誓在即，有風聲話曾借出議辦做民主派初選票站等嘅議員會被DQ兼追薪津，大批民主派辭職。北區區議會截至噚日，餘下主席羅庭德、... 詳情
【Emily】曾倡收回起樓 吳秋北去高球場收捐款
【明報專訊】政界就土地房策有唔少爭論，其中工聯會曾提倡收回粉嶺高爾夫球場起樓，而會長吳秋北早前更撰文批評「地產霸權」。不過，吳秋北噚日換咗頂... 詳情
【Emily】鄭泳舜跑步慶牛一 傍晚書展捧曾鈺成場
【明報專訊】民建聯立法會議員鄭泳舜（Vincent）噚日42歲牛一，佢喺facebook上載咗一件海綿蛋糕同齋啡嘅相，話有好兄弟陪佢喺大雨下... 詳情
【明報專訊】支聯會副主席鄒幸彤正還押獄中，佢話自己要由大律師轉型做作家，最近其facebook「連載」佢嘅「坐監修煉手冊」，噚日去到第三課：...
詳情
【明報專訊】歐洲傳統美食多，近兩年疫情關係，大家無法去歐洲旅行，不過都可以試吓自己煮歐洲美食！話說歐盟駐港澳辦事處今年喺書展化身「作家」，出...
詳情
相關新聞
