【Emily】民主黨朱子洛接任油尖旺區會副主席
[2021.07.28] 發表
【明報專訊】區議員宣誓在即，早前引發區議員辭職潮，油尖旺區議會原副主席余德寶亦離任。風雨飄搖之際，油尖旺區議會噚日召開大會，民主黨朱子洛當選為新任區會副主席。子洛話目前「紅線」日日變，政治局勢唔明朗，考慮咗一段時間先決定留任。至於接任副主席後，佢話會研究分配資源，協助選區無區議員嘅居民。
子洛曾任立法會前議員黃碧雲嘅助理，佢噚日獲黨友涂謹申提名出任副主席。佢話區議員可以較細緻咁處理地區事務，難有其他角色替代，但預料未來可能有區議員因宣誓一事被DQ(取消資格)，當區議員數目進一步減少時，就要研究點樣令受影響選區嘅市民都有機會表達意見。油尖旺區議會原有20名區議員，其中9人辭職後，目前剩低11個，子洛話對區議會運作有影響，舉例目前有兩三個委員會嘅主席位從缺，影響開會。
更多港聞
【Emily】林鄭拉大隊睇何詩蓓比賽 財爺無份
【明報專訊】奧運吸引力真係唔嘢小，連官員都要放低工作眼定定欣賞。話說特首林鄭月娥噚日喺facebook出post，張相顯示佢同多名司局長等人... 詳情
【Emily】馮巍教港官認識新時代中共治國理念
【明報專訊】公務員事務局噚日喺政府總部舉辦《新時代的中國共產黨——兼談中國共產黨與「一國兩制」》講座，由港澳辦前副主任馮巍透過視像主講，帶2... 詳情相關新聞
