【Emily】前區議員盧俊宇轉行教減肥 曾重180磅 半年減20磅
[2021.08.03] 發表
【明報專訊】民主派區議員辭職後，唔少都謀求轉型，好似民主黨前屯門區議員盧俊宇(Cary，圖)咁，近日開班教人減肥，標明自己係「健康與營養教練」。Emily問番詳情，原來Cary早年重約180磅，後來調整飲食及做運動，半年減咗20磅脂肪，恢復標準身形。
Cary話開辦減肥班一來係為生計，收費視乎目標磅數；二來亦希望喺社區推廣營養同運動資訊，某程度上聯繫一班街坊。亦有其他前區議員轉型做老師，中西區前區議員葉錦龍(Sam)早前喺facebook宣布未來會教授日文，話自己有十幾年日文翻譯經驗，至於上堂地點會喺番辦事處原址，無活動舉行時會租出去做會議室等用途。
葉錦龍前議辦開班教日文
阿Sam話目前有收到一啲學生，計劃小班教學，1.5小時嘅課堂收150元；另外，辦事處亦會舉辦手機班、社區歷史班等活動，都會收一定費用。至於出租場地方面，佢話希望有地方畀街坊相聚，亦有業主立案法團希望搵地方開會。
更多港聞
【Emily】律師會改選報名 專業派巧遇開明派
【明報專訊】律師會理事本月24日改選，噚日截止報名，據了解總共有11人爭奪5個席位。被視為「專業派」嘅5個律師噚日到律師會會址交報名表，仲叫... 詳情
【Emily】孖財爺荃灣「濕平」 田二少用晒「首期」
【明報專訊】電子消費券前日發放第一期2000蚊，財政司長陳茂波第一日已經笑言自己「使突」，實政圓桌田北辰前日傍晚帶住財爺去荃灣行街買嘢，田二... 詳情
【Emily】政商界籌款賑災 民建聯籌得500萬
【明報專訊】河南早前暴雨成災，逾百萬人受災。本港多個建制政團、商界為河南籌款賑災，連日來中聯辦都收咗唔少相關支票。民建聯上月發起籌款，截至7... 詳情
【明報專訊】暑期實習係大學生吸收社會經驗嘅好機會，創新科技署發言人噚日話，今年暑假展開咗新一輪「創科實習計劃」，過去兩個月吸引咗超過1700...
詳情
相關新聞
