【Emily】梁美芬與兩徒弟話當年 立會拍住上
[2022.01.04] 發表
【明報專訊】今屆立法會有約三分之二都係新議員，唔同議員正在組合合作平台，跨黨派、跨界別都有。由九西直選轉跑道到選委會界別嘅經民聯、西九新動力梁美芬，噚日同兩個愛徒：2018年退出西九新動力嘅楊永杰同西九新動力副主席梁文廣一齊見記者。講到當年，美芬眼濕濕咁話2012年選立法會最艱難時間，佢哋兩個都願意「排佢隊」；佢話入到立法會，希望繼續大家拍住上，甚至一齊提動議，但點樣有機結合就言之尚早。
楊永杰：治鼠不力關政策規定
楊永杰形容自己係西九新動力嘅「好朋友」，而梁美芬就係佢同梁文廣嘅「大家姐」咁，將來喺議會繼續帶住佢哋工作。佢話參選為提高市民幸福感，舉例好多民生問題都係政策問題，例如治鼠辦法唔到家，都係因為法例政策嘅規定。
梁文廣話自己係新人，大家投票畀佢係畀機會佢試吓。佢話，以往較難處理嘅問題，希望立法會「愛國者治港」可以追番時間處理；而佢作為年輕議員，修補年輕人、世代之間嘅矛盾，會係佢今屆工作重點。
更多港聞
【Emily】成立「智慧生活促進組」 EQ等倡大數據配合「安心」
【明報專訊】新議會出現唔少冇政黨背景嘅新丁，好似選委會界別議員陳紹雄、林筱魯，佢哋噚日聯同成功連任嘅民建聯葛珮帆（EQ）見記者，宣布成立「智... 詳情
升中交表 報皇仁家長：初中後或離港 多中學稱面試不問移民
【明報專訊】升中自行分配學位昨起接受申請，有到傳統名校遞交申請的家長說，將來盼在外國生活，惟現不願兒子獨自成長，故暫讓他留港讀書，待完成初中... 詳情
【明報專訊】教育局昨發通函，本學年約750間「幼稚園教育計劃」幼稚園可獲一筆過「教師專業發展津貼」，按學生人數分3層款額，半日制人數達331...
詳情
相關新聞
