【Emily】何俊仁牆內教法律知識 想回信有心人
[2022.01.05] 發表
【明報專訊】因2019年10．1非法集結案同前年六四非法集結案判囚嘅民主黨何俊仁，喺獄中「重操故業」，以其律師知識，幫囚友睇英文文件、解答法律問題，有時仲會教英文，牆內時間算過得充實。
立法會前議員邵家臻等人去赤柱探何俊仁，阿臻話，仁哥生活已適應過來，身體小毛病都有改善，只係睡眠質素仍然麻麻。阿臻話，以仁哥背景，自然有唔少囚友向佢請教法律知識；仁哥又收到唔少市民嘅信，但有啲無留回郵地址，佢想回覆都唔得，仲話仁哥當場讀出一封長兩三頁嘅信，話知道寫信嘅人好有心機，但佢無法回覆，心生歉意。
阿臻話仁哥身在獄中心繫他人，噚日喺電視新聞得知前支聯會副主席鄒幸彤判囚，話仁哥好尊敬阿彤，亦替阿彤憂心。阿臻亦話，仁哥關心阿臻嘅生計，以及張超雄孭住嘅官司，因為超雄有案件喺2月4日要上庭。阿臻又引述仁哥，叮囑大家唔好衝動、唔好被捕、唔好送頭，話佢喺裏面安好，只要外邊嘅「手足」無事，佢就無事。
更多港聞
【明報專訊】Omicron來勢洶洶，政府加強宣傳「谷針」，強烈建議市民喺接種第二劑新冠疫苗嘅6個月後，盡快打第三針。當局下周三會派出外展隊到...
詳情
「奇趣IT」留2億 4個月撥1300萬 91校申資助 有小學生研製太陽能冷風機
【明報專訊】不少學校大力推動STEM教育，去年《財政預算案》公布的「奇趣IT識多啲」計劃，預留2.25億元供小學申請資助，每校本學年起最高可... 詳情
【明報專訊】教育局昨日公布舉辦「童真同心照未來」家長教育短片創作比賽，學生、家長和公眾可拍攝和製作短片，以正向教養為主題，鼓勵父母與子女同心...
詳情
相關新聞
