【Emily】由唔識廣東話 到10優狀元 45歲QC仔任美大學校長
[2022.06.13] 發表
【明報專訊】1995年香港會考十優狀元之一、皇仁書院(QC)舊生蔣濛(圖)，日前獲美國普渡大學(Purdue University)校董會委任，明年1月起出任第13任校長，成為普渡創校150多年來第一個華裔校長。現年45歲嘅蔣濛喺皇仁校友中傳奇人物之一，佢1977年於天津出生，之後來港，本來喺天津讀緊小學六年級，去到德信學校重讀小五，當時廣東話都唔識多句，遑論英文。
蔣濛明年起掌普渡大學
蔣濛中學就讀皇仁書院，除咗係狀元，仲係領袖生。畢業後佢獲尤德獎學金去美國史丹福大學讀書，並取得電機工程學博士學位，之後成為普林斯頓大學，甚至全美最年輕獲講座教席嘅教授之一。蔣濛自2017年起出任普渡大學工程學院院長，2020年做過時任美國國務卿蓬佩奧嘅科技顧問，去年重返普渡及兼任行政副校長。
蔣修讀電子工程及數學，之後專門研究網絡，亦有25個專利，成立咗3間初創公司。
雖然外界不時提及佢會考佳績，但翻查1995年報道，蔣濛當時話社會同傳媒過分強調會考成績，提醒成績唔反映啲咩。唔少皇仁校友喺facebook出帖祝賀，例如會計界前議員梁繼昌就讚蔣濛係「皇仁之光」。本身係普渡大學校友嘅前資訊科技界議員莫乃光亦有留言恭喜蔣濛。
更多港聞
【Emily】工聯評今屆勞福 彈凍最低工資讚增產假
【明報專訊】現屆政府任期6月30日屆滿，工聯會用「讚好」等emoji評價12個勞福政策。工聯會覺得「最低工資被凍結」同「全面檢討政府外判制度... 詳情
【明報專訊】體育、演藝、文化及出版界立法會議員霍啟剛之前被指有機會做下屆新設文化、體育及旅遊局嘅局長，佢早前講演唱會飛實名制問題時，話未來幾...
詳情
停課萌念 中五生開咪訴煩憂 Podcast一集最多5000聽眾 「與同學互取暖」
【明報專訊】人生有起伏跌宕，有時可一抹淡然，有時渴望別人扶一把。中五女生Ling今年開設Podcast節目《煩憂雜物房》，話題由疫下停課、中... 詳情相關新聞
