【明報專訊】鍾意粵劇特別係已故粵劇名伶紅線女�麊B友留意喇，第3屆西九大戲棚將於下周五(17日)至2月9日舉行，今年首度移師西九海濱長廊上演，當中年廿九同年三十晚有8場免費戲曲電影，特別放映兩套紅線女及馬師曾合演�鴽@品《審死官》同《關漢卿》作悼念致敬，「女姐」迷萬勿錯過。

播《審死官》同《關漢卿》

大戲棚藝術策劃毛俊輝話，今年請到32名梅花獎藝術團名將，開幕頭4日上演京、崑等折子戲，緊隨有多名本地名伶粵劇演出，仲新增有14個粵劇新星�鶶怮嶁滮橉ㄥb表演。

西九表演藝術經理鍾玉珍話，現時整體門票已售出65%，京劇折子戲同本地名伶羅家英主演粵劇《斬二王》場次更售出95%。佢話今年選址離鬧市較遠，大會�鬖y沙嘴中間道同港鐵九龍站，每隔10分鐘安排一班免費穿梭巴士接載往返。

至於大戲棚就由著名建築師馮永基擔任空間設計，以雙竹搭建「大圓環」藝術裝置圍繞呈「大金鐘」形狀�奰葩� ，寓意大團圓，場內可容納850名觀眾，比去年多50個座位。舊年12月中起施工，現時已完成約六成。