記者看演練 警發「手指槍」
[2014.08.20] 發表
【明報專訊】噚日警方再次喺黃竹坑香港警察訓練學院為佔中演練，規模仲比上次大，Emily同各個行家當然唔敢怠慢，晨早已經部署晒有利位置，觀察拍攝。今次演練除咗包括清場同拘捕程序，亦有訓練警員如何應對傳媒。
演練期間，Emily見有一名企喺操場旁邊嘅警員發現記者拍攝位置，即叫埋隔籬阿sir望過嚟，又突然一邊笑，一邊向記者方向發出「手指槍」三下(圖)。
噚日天氣好飄忽，由早到晚落咗五六場雨，但又忽然出太陽，相信無論係演練嘅警員，抑或在場觀察嘅傳媒行家，都好辛苦。未知係咪天雨關係，警方噚日不少演練過程都喺有蓋操場同室內進行，Emily好不容易先影到一啲珍貴片段。
(李澤彤攝)
更多港聞
【明報專訊】政府上年3月委託港大學者周永新做嘅退休保障研究，等咗差不多一年半，終於喺今日能夠公之於世。香港總商會總裁袁莎妮噚日召開記者會，率...
詳情
相關新聞
