自稱一介草民 孫公「恨講好多嘢」
[2015.03.24] 發表
【明報專訊】當下泛民同建制派因為政改鬧得好僵，但其實平日雙方都仍然有講有笑。噚日全國工商聯房地產商會香港分會舉行季度午餐會，民協馮檢基同基本法委員會副主任梁愛詩都有出席，仲同枱一齊食飯，不時咬耳仔有講有笑，唔通政改現曙光？阿基事後同Emily講，同詩姐閒話家常，交流民協對房屋政策嘅建議，只係有一句半句談及政改。
同場仲有一排無見嘅前房屋及規劃地政局長孫明揚，孫公同大家講，自己?家只係一介草民，唔係公務員，「?家好恨講好多嘢」。佢又大談當年做官嘅時候，對住立法會議員一定要客客氣氣，唔可以動怒，話?家有機會就可以將真相披露。
孫公離場時，大家追住問佢有乜嘢真相可以披露，自稱好恨講嘢嘅孫公乜都唔肯再講，只係揮手同記者講拜拜。
更多港聞
【明報專訊】政府噚日公布，今年6月起新入職嘅公務員，退休年齡將會延長，如果係文職公務員，退休年齡會由?家60歲提高至65歲；紀律部隊就由?...
詳情
相關新聞
