新大樓曝光 青少年軍操拳 普通話喊「殺」
[2017.12.04] 發表
【明報專訊】舊年因為覓地興建總部同撥款引起爭議嘅青少年軍，𠵱家已經有接近800個會員，噚日青少年軍邀請傳媒去佢哋位於九龍灣、由空置學校改建嘅新總會大樓參觀，仲即場安排唔少學員表演。其中軍體拳訓練，教官係用普通話口令，幾個十幾歲學員每揮一拳都要用普通話大嗌：「殺！」
Emily同一班行家擔心軍體拳會唔會渲染暴力，青少年軍總會諮議會成員、警務處前副處長馮兆元就話，大叫「打」、「殺」都係軍體拳一部分，如果唔嗌會「無咗氣勢」，並非真正要教學員殺敵。
馮兆元：跟內地用普通話指令
馮兆元話中式步操同軍體拳喺內地都係用普通話指令，佢哋教時會跟番用普通話。馮兆元又話，教官會接受解放軍培訓，再教授青少年軍學員中式步操同軍體拳等。
對於早前被指覓地同申請撥款時，受到同為青少年軍榮譽顧問嘅民政事務局長劉江華「極速審批」，青少年軍總會主席陳振彬話，申請時睇過十幾間校舍，亦試過申請失敗，而撥款係佢哋主動聯絡政府申請嘅，劉江華𠵱家仍然係該會榮譽顧問。陳振彬又話，整棟大樓暫時用咗5000幾萬元改建，但仲有啲工程未完成，暫時未知有無超支。
更多港聞
張雲正為九旬媽媽離開官場 「問自己未來5年誰珍貴？」
【明報專訊】剛剛喺10月結婚嘅公務員事務局前局長張雲正（左），原來係港島聖類斯中學校友。適逢今年係該校90周年校慶，佢之前返咗母校接受訪問，... 詳情
小學課表學生調查 多午後仍設學術堂 指違全日制原意
【明報專訊】香港小童群益會昨公布第八屆《小小施政報告2017》，報告以較大的篇幅探討小學全日制，發現為數不少的學校在午膳過後仍設學術堂，只有... 詳情
相關新聞
