傷健老幼 1900人ICC垂直跑
[2017.12.04] 發表
【明報專訊】環球貿易廣場(ICC)有118層高，係全港最高嘅大廈，新地噚日第六屆搞「勇闖香港ICC」嘅垂直跑活動，有超過1900人參加，人數係歷年之冠，年齡最小同最大嘅跑手分別為10歲同74歲，亦有視障、聽障、截肢者及自閉症患者等參加者。
賽事要向上跑82層樓梯，需時幾耐？喺精英賽方面，男子組由澳洲選手Mark Bourne，以12分37秒最先到達位於天際100香港觀景台嘅終點；女子組則由澳洲選手Suzy Walsham以13分58秒奪冠。垂直跑比賽另一個重點係籌款，政務司長張建宗致辭時話，活動至噚日為止籌得3000萬元，佢多謝新地一直積極回饋社會，提倡運動行善不遺餘力。今次活動所籌得嘅款項會用作資助社聯嘅「新地雨後彩虹」計劃，幫助因為面對家庭逆境而需要心理支援嘅兒童及青少年，亦支持其他慈善項目。
更多港聞
張雲正為九旬媽媽離開官場 「問自己未來5年誰珍貴？」
【明報專訊】剛剛喺10月結婚嘅公務員事務局前局長張雲正（左），原來係港島聖類斯中學校友。適逢今年係該校90周年校慶，佢之前返咗母校接受訪問，... 詳情
小學課表學生調查 多午後仍設學術堂 指違全日制原意
【明報專訊】香港小童群益會昨公布第八屆《小小施政報告2017》，報告以較大的篇幅探討小學全日制，發現為數不少的學校在午膳過後仍設學術堂，只有... 詳情
相關新聞
