無被阮兆祥醜化 鮑姐為福祿壽開金口
【明報專訊】王祖藍、阮兆祥、李思捷前晚為無綫特備節目《人生有幾多個福祿壽》進行錄影，3人貫徹扮嘢搞笑作風，跟一眾嘉賓鮑起靜(鮑姐)、盧覓雪、肥媽、蘇永康、鍾景輝等來個真假對照演出，一身《同盟》「令小姐」造型的鮑姐更獻出第一次，在熒幕前開腔唱歌，帶出驚喜。
記者﹕鍾一虹
攝影﹕孫華中
扮女裝的阮兆祥自言是鮑起靜、盧覓雪和肥媽(瑪利亞)、沈殿霞的混合體，以前扮過她們被讚維肖維妙，好感激其中3個真人來撐場。祖藍笑稱所有女人被祥仔扮晒，所以自己會扮鍾景輝(King Sir)和泰迪羅賓，難得King Sir肯捱眼瞓一齊來玩。
祖藍爆未扮過King Sir無得畢業
王祖藍說﹕「綵排時好好笑，跟King Sir好似照鏡似的，記得當年讀演藝學院，學生未扮過King Sir都不能畢業，我和白只、張繼聰、詹瑞文曾經一齊搞扮King Sir比賽，King Sir來睇都問﹕『乜我係咁講嘢㗎？』一句KO晒我哋。由於個個都扮得似，最終打和。」
李思捷謂與蘇永康談合作很久，今次終於能合作，蘇永康更扮到似孔雀，希望玩得激一點，李思捷說﹕「 他唱歌、跳舞都好好，我會美化他。」即被王祖藍揶揄﹕「你咁睇得起自己，扮他，可以美化他？」
鮑姐也有看過阮兆祥扮自己，笑到碌地，覺得祥仔扮得又後生又靚，無醜化自己，故應邀上節目一齊玩，反而要開金口就有點緊張，她說﹕「我以前後沒登台，怕緊張到面部肌肉抽搐就出醜，合唱柴娃娃玩吓就可以。」
鮑姐睇好陳展鵬宣萱封視帝后
講到台慶頒獎禮心中視帝視后，鮑姐說﹕「宣萱演《不懂撒嬌的女人》 好好，值得攞獎，視帝我想陳展鵬攞，不過他去年攞過，機會五十五十啦！」她直言加入無綫只拍過一部劇，對其他藝員不熟，希望未來有機會合作，不過暫時未接新劇，最近忙於電影工作。
患病不敢抱囝囝 蘇永康內疚
近日喉嚨發炎的蘇永康，寧願服食類固醇藥物幫助開聲，免得影響節目演出，又自言今次病倒感內疚。
蘇永康說﹕「 我病了不敢抱囝囝，要拜託岳母帶囝囝上學，囝囝臨入校門一泡眼淚，好似想講『爸爸點解不抱我』，那種心情好難形容，我奉勸流感時期，大家要保重身體，如果畀錢我可以立即好番，我即刻畀。」
■更多娛樂猛料 ﹕ol.mingpao.com
