【明報專訊】康文署今年6月底有新猷，首度推出「穿越——香港博物館節2015」，叫齊公共博物館嘅幕後人員，包括館長、文物修復員、專業設計師等主動出擊，透過各種活動同展覽，帶領市民遊覽各類博物館，其中太空館仲會通宵開放，畀報名嘅市民玩通宵，仲可以扮外星人；另外，市民更可以將珍藏嘅舊相交畀「文物醫生」復修?。 太空館辦通宵Party 今次嘅香港博物館節有超過70項節目及活動，?家已經接受報名，當中文物修復辦事處更破天荒派出「文物醫生」公開「應診」，為市民珍藏嘅中國書畫、古籍文獻、舊照片、錢幣提供15分鐘嘅免費診斷和諮詢服務，市民更有機會喺文物修復師指導下「臨牀實習」，修復自己心愛嘅珍藏。 另外亦推出「反轉博物館」節目系列，將博物館轉為P場，參加者可以變身外星人，玩轉太空館。詳情可以瀏覽香港公共博物館網頁http://www.museums.gov.hk。 此外，亞洲國際博覽館有新節目，7月9日至12日請咗一班鹹蛋超人，搞展覽、互動遊樂場同真人舞台劇，門票6月初公開發售。
|
| |
| |
;)
