【明報專訊】前財政司長曾俊華近日加盟主力金融科技嘅投資銀行Ion Pacific擔任副主席，原來佢仲有多項大計，包括成立非牟利組織「薯片叔叔合作社」，借助自己?人際網絡，同初創青年分享營運經驗。 曾俊華接受《信報》訪問時透露，新平台將取名「Esperanza」，呢個西班牙文解作「希望」，平台中文名就叫「薯片叔叔合作社」，因為「易入腦」。佢認為，喺香港搞初創嘅年輕人有好意念，但缺乏健全網絡同專業知識推動，唔夠生意觸覺，所以覺得自己可以喺會計、法律等方面，邀請專家協助初創企業；目前已接觸幾間不同領域初創公司，探討新平台點樣協助佢哋。 曾俊華話，合作社希望引進「crowdsourcing(群眾外包)」概念解決社會問題，例如透過喺網上舉辦「挑戰賽」，等全世界人才為香港問題解難。佢話合作社正積極籌款，希望籌到幾百萬元做種子基金，爭取第三季開始運作。
|
| |
| |
;)
