【明報專訊】提倡「港獨」嘅香港民族黨召集人陳浩天，噚日下晝?香港外國記者會(FCC)午餐會演講；早前網媒「幫港出聲」曾指FCC以午餐會係「open to professional media only(開放給專業媒體)」為由，唔批佢哋嘅入場採訪申請，不過後來經香港記者協會同FCC商討後，FCC噚日就同意畀「幫港出聲」入場採訪。 「幫港出聲」成日鬧FCC「播獨」，早前仲?fb發文話FCC打壓新聞自由，事緣佢?話自己依足FCC訂定規矩申請都被拒絕入場採訪。記協後來幫手跟進事件，噚日就?facebook發文，話「幫港出聲」係取得政府網媒註冊，透露FCC同意准許佢哋入場採訪，又強調「言論與新聞自由是記協與外國記者會的共同信念」。 場內除咗有本地傳媒外，仲吸引好多外地傳媒採訪，包括美聯社、美國有線新聞網絡(CNN)同《華爾街日報》等，陳浩天離場時都避唔開大批傳媒採訪，場面一度混亂。
|
| |
| |
;)
