【明報專訊】近期香港嘅局勢備受國際社會關注，唔少外國人都驚訝香港人能夠秩序井然咁遊行，有外國傳媒更表示讚賞。專報道日本自衛隊及軍事新聞嘅facebook專頁噚日就share咗香港6．16示威黑衣人潮讓路畀白車嘅片段，仲用「善良」形容畫面。 facebook專頁「日報—自衛隊及軍事新聞」轉載咗日本富士電視台嘅報道，裏面提及港人周日遊行，擠滿馬路嘅示威者讓路畀白車通過，報道用咗「善良」去形容呢一幕；報道仲話有示威者主動提供頭盔畀CBS記者，話好多人都見到呢場示威中有好多善良嘅舉動。 有人話可膺《時代》人物 《日經亞洲評論》就刊登咗駐東京記者William Pesek嘅評論文章，同樣話示威者有秩序，值得諾貝爾和平獎！美籍華人記者陳嘉韻(Melissa Chan)前日喺Twitter發帖，話香港200萬名示威者可以有秩序咁遊行、回收垃圾，仲可以一齊讓出一條路畀救護車，又會主動畀眼罩、頭盔外國媒體人。佢又話，就算無諾貝爾獎，《時代》雜誌本年度風雲人物都非香港人莫屬。
|
| |
| |
;){kind=small}
;)
