【明報專訊】科技大學獲李嘉誠基金會捐贈5億元，建立本港第一個「合成生物科技」研究平台，命名為「李嘉誠合成生物學研究院」，希望透過研究合成生物學技術，改善醫療及環境等問題。

李嘉誠堅信「未來重要工業」

據了解，「超人」李嘉誠認為今日香港情�G，同社會上流機制失衡直接相關，佢堅信地產同金融外，一定要有工業支撐，而未來重要�儱s工業同大機遇就係合成生物，呢個亦係點解佢捐錢畀科大�麰W心；至於今次合成生物項目，唔止科研咁簡單，仲會推動其他專業學科發展。

科大校長史維感激李嘉誠對年輕人教育同科研�鴾銕龤C佢話研究院大樓初步選址校內，大學會增聘10至12個教授，研究院初期核心團隊約有20人；研究已經開展，希望3至5年內發表第一期研究報告。科大化學及生物工程學系系主任邢怡銘話，研究院將集中研究生物醫藥同海洋環境，舉例如阿茲海默症等神經變性疾病、長者常見疾病，合成生物學技術可能有潛力協助治療；而研究院希望畀更多機會年輕人，包括畀中學生同大學生參與學習活動，例如舉辦學術研討會、論壇等。