【明報專訊】噚日有人以「IdeasforHK」名義，喺多份報章登廣告，話會用100萬元獎金，尋求「能解決現時困局、尋回昔日香港的方案」。Emily向佢哋嘅facebook專頁查詢，管理員話佢哋冇組織背景，錢係「由一名希望尋求出路的熱心香港市民以個人名義送出」。 錢係「一名香港市民送出」 「IdeasforHK」fb專頁管理員話佢哋冇組織背景，只係作為普通香港市民，唔願意睇到困局停滯，相信民間智慧力量，想尋求一個方案，希望集思廣益，為香港做啲嘢。對於資金來源，管理員話獎金係由一個希望尋求出路嘅熱心香港市民，以個人名義送出，但冇透露嗰個人嘅身分。 至於點處理市民提交嘅方案，管理員話會根據方案嘅有效性、可行性作為主要評審標準，「縱使未必能解決全部問題，也希望可以有一些改變」；又話會喺收集嘅方案中，選出最可行嘅建議，「用我們力所能及的方法反饋給相關部門」。
|
| |
| |
;)
