市區太貴 林鄭退休後住新界
[2015.06.13] 發表
【明報專訊】近日網上流傳一段題為《2020家書》短片，以「政務司長林鄭月娥」角度，分析通過政改後香港嘅轉變，片中「林太」對政改通過追悔莫及。真嘅林太早排接受幾間報紙訪問，就話片中情景「梗係唔會」發生，佢又講到明將來唔會留任做司長、唔會選特首、唔會做行政會議成員，連論政都唔會，非常撇脫。
已賣英國蘇州物業
綜合幾份報章報道，林太計劃喺退休後留返喺香港，做一個普通市民。林太話，佢喺英國嘅樓已經賣晒，老公亦返咗香港，講明返英國係無可能。有人問佢，如果政改否決，佢會唔會辭職？林太笑住反問記者，「你好想我辭職咩？」
根據林太向行會提交嘅利益申報，舊年9月，林太的確放售咗多年嚟喺英國劍橋同蘇州持有嘅物業，但老公就喺中山買咗間住宅自用。普通市民唔少都要面對買樓困難，林太亦話市區樓貴，退休後可能要住遠啲，或者喺新界置業。
更多港聞
【明報專訊】Emily聽過唔少新界北區同大埔嘅居民呻區內無戲院，特首梁振英喺施政報告都話要考慮預留空間發展電影院，不過工聯會鄧家彪（Bill...
詳情
相關新聞
