婦女節酒會 林鄭被「集郵」
[2018.03.09] 發表
【明報專訊】噚日係三八婦女節，Emily去咗添馬政府總部出席由婦女事務委員會舉辦嘅慶祝酒會，香港第一位女特首林鄭月娥(右二)有份出席，仲畀一眾嘉賓圍住，爭住同佢自拍。
林太喺致辭時提到，香港喺推動婦女發展方面，經過多年努力後成績斐然；本港男女接受教育嘅權利唔止均等，喺接受高等教育方面，女性更比男性多。佢引述上學年數據話，教資會資助課程嘅學生中，五成四係女生，而醫科亦打破男性主導傳統，有五成一係女生。
Emily想起今屆政府釋放婦女勞動力嘅施政方針。林太話，除咗喺各區增加幼兒中心名額外，亦委託咗港大做幼兒照顧服務長遠發展研究，仲已獲勞顧會支持，準備將侍產假由3日加到5日。
更多港聞
【明報專訊】立法會昨日召開兒童權利小組委員會，討論將於年中成立的「兒童事務委員會」未來方向，多個團體於會上表示，期望委員會不僅是諮詢組織，而...
詳情
【明報專訊】本港踏入老齡化社會，面對勞動力不足，政府不時提出要釋放婦女勞動力，但有組織調查顯示，各區的0至6歲人口與該區的幼兒中心、暫託幼兒...
詳情
相關新聞
