宣揚精神健康 齊步上怡廈籌330萬
[2018.03.19] 發表
【明報專訊】由怡和集團成立嘅慈善組織「思健」噚日舉行年度籌款活動「齊步上怡廈」，旨在宣揚精神健康信息，參加者靠跑步或者步行方式行49層樓，去到怡和大廈頂樓，以示支持精神健康。活動籌到330萬元，將會用嚟宣揚精神健康嘅信息，減少社會大眾對精神病患者嘅偏見，仲會直接支援有需要嘅人。
「齊步上怡廈」除咗吸引怡和集團嘅行政人員、員工，以及業務伙伴參加，今年仲新設社福機構接力賽，由精神病患復元人士聯同社福機構代表組成參加。
本年度各項比賽得獎者：女子組個人賽由Cynthia Leung以7分14秒奪冠，男子組由楊銳湘以5分29秒時間勝出。置地公司嘅團隊以Piko太郎造型贏得「創意造型獎」。
更多港聞
斥資300萬 常識科結合STEM 培正小二學編程訓練解難
【明報專訊】教育局現時大力推動STEM（科學、科技、工程、數學），並要求小學教授高小（小四至小六）編程。私立學校培正小學於2016年起將編程... 詳情
相關新聞
