指無時間準備 即問即答更真實 林鄭踢爆商界提問預先通水
[2018.11.15] 發表
【明報專訊】特首林鄭月娥噚日嘅行程排到密麻麻，單係中午前後已經要走3場，包括立法會行政長官質詢、商界聯席午餐會、香港銀行公會午餐會，時間緊迫，但特首仍然展現其「好打得」嘅本色。話說商界聯席午餐會去到答問部分尾聲，林太突然提出建議，明年嘅午餐會唔使預先畀佢知道提問內容，反正佢都無時間準備答案，又話即場提問令佢可以更真實回應咁話。林太咁講可能係出於善意，亦反映佢有信心應付任何提問，但係就踢爆咗主辦單位原來事先向出席嘉賓通水?。
商界問點說服市民撐填海
雖然去到商界「主場」，林太演辭對商界都唔係咁客氣，講到勞福問題，佢話知道商界對《施政報告》嘅勞工政策有不滿，但都希望商界設身處地為打工仔設想，又話政府都作出好大承擔，例如幾乎全數承擔增加額外4周產假嘅薪酬開支，希望有關政策唔會被業界投訴。
到答問環節，有商界代表表態支持「明日大嶼」願景，不過就關注政府點樣說服市民支持計劃。林太承認現時嘅香港，任何事要達到一致共識係無可能，但不能以此作為唔做嘢嘅藉口，政府亦已預見社會有反對聲音，會繼續向公眾解釋填海嘅需要。
更多港聞
【明報專訊】超強颱風山竹在9月吹冧大量樹木，政府到𠵱家都仲未清理晒?塌樹，噚日立法會發展局長黃偉綸以書面回應議員提問時，交代處理塌樹最新進展...
詳情
相關新聞
