4「粒」東坡肉作怪？ 肥老闆高血壓嚇親議員
[2019.04.25] 發表
【明報專訊】立法會長三角考察團噚日最後一日行程，喺杭州考察「微醫集團」，集團係一個智慧醫療平台，通過互聯網同人工智能技術提供線上線下醫療。一班立法會議員參觀時爭相試驗器材，經民聯議員「肥老闆」張華峰就喺老友保險界陳健波、金融界陳振英慫恿下量血壓(圖)，結果上壓高達159、下壓95，議員睇到都嘩一聲！
工聯會麥美娟好驚訝咁問肥老闆﹕「你已經食咗『4粒』(東坡肉)喇喎」——指嘅係佢哋前晚同杭州市政府食飯，浙江省委書記車俊將自己份東坡肉畀埋肥老闆品嘗。肥老闆話平時佢上壓都係120幾，噚日咁高可能係同考察團飲食有關。
立法會主席梁君彥就試用「智能眼底相機」，佢個眼底好健康，無咩黃斑點問題。女議員可能會比較關心婦女病，估唔到經民聯吳永嘉都好有興趣，專心聆聽人員介紹乳腺檢查儀器，仲話想檢查吓，但相關儀器就無得即場試用。
集團同24萬名醫生合作，病人可以線上睇醫生，連專科都有，連接到喺另一端嘅醫生後，可以透過視像睇病；待線上醫生開完藥單，可以即刻去買藥。隨團嘅創科局長楊偉雄同財庫局長劉怡翔都睇得好留心。
更多港聞
【明報專訊】政府預料最快2020年底落實垃圾徵費，但自從舊年12月立法會成立法案委員會以來，至今只開咗5次會，距離立法會休會剩番兩個月左右，...
詳情
【明報專訊】負責就公務員聘任、晉升同紀律事宜向特首提供意見嘅公務員敍用委員會，近日發表2018年年度報告，透露去年就40宗公務員違紀個案提供...
詳情
第22屆校園記者﹕通宵趕製晚裝 學生時裝賽奪冠
【明報專訊】時裝設計師許麗青（Cindy）及林永鏗（Alan）開設的婚紗及晚裝品牌CINDYALAN舉辦「裁出天地亞洲時裝設計大賽——香港站... 詳情相關新聞
