【Emily】崔世安「最後功課」 澳門再派錢1萬
[2019.11.13] 發表
【明報專訊】澳門特首崔世安噚日介紹2020年財政年度預算安排，呢個係佢卸任前最後一份功課，佢建議繼續實行現金分享計劃，向澳門永久居民派發1萬元、非永久居民每人6000元。
澳門新聞局公布，崔世安噚日喺立法會介紹2020年財政年度預算安排，佢同下任特首賀一誠商討後，建議明年繼續實行稅費減免、弱勢群體援助、現金分享計劃等措施。現金分享計劃方面，建議澳門永久居民可獲現金1萬元，非永久居民每人派6000元。政府亦繼續為合資格澳門居民開立公積金個人帳戶，並注入1萬元作開戶資金，明年繼續額外向居民公積金帳戶注入7000元。
澳門政府繼續實行減稅措施，居民職業稅減收30%，免稅額為14.4萬元，政府並退回去年度已納稅額嘅60%、上限1.4萬元。
更多港聞
【明報專訊】政府宣布今年嘅年宵市場無乾貨攤位，另一邊廂，食環署噚日公布2020年車公誕市場攤位喺下周三（20日）公開競投。車公誕市場攤位係設...
詳情
【Emily】黃錦星去頒獎禮 同沈祖堯開心合照
【明報專訊】過去數月社區不時爆發嚴重衝突，無論咩立場嘅市民恐怕都唔會開心。不過政府表明唔會停擺，環境局長黃錦星（左二）過去呢幾個月亦出席不同... 詳情相關新聞
