【Emily】每日放風曬太陽 阿廸話想再黑啲
[2021.06.22] 發表
【明報專訊】民主派立選初選案36人仍在還押，立法會前議員邵家臻、張超雄噚日去探前同事朱凱廸。阿臻引述阿廸話，現時讀緊歷史書，了解中共歷史、反右運動嘅始末；每日會用盡「放風」嘅一小時曬太陽，希望皮膚再黑啲。佢亦建議大家睇吓靜修書，幫助自己平靜。至於早前唔少囚友投訴獄中酷熱難耐，阿臻引述阿廸話，具體感受到懲教署做緊嘢，包括加裝滾筒扇、「期數(工作場所)」人數亦由70多減至60。阿臻都表示「唔該晒懲教署」。
梁晃維牆內心繫「觀龍友」
同因初選案還押嘅梁晃維早前辭去區議員職務，其facebook發布文章，話收押期間冇放棄中西區觀龍區，每日打開報紙都會留意有冇同該區相關嘅新聞、憂心區內有新冠確診個案。梁晃維話，有嘗試透過團隊繼續服務街坊，但獄中只能透過每日15分鐘探訪時間、書信同外界溝通，無法即時、有效跟進事務，亦未能親自見街坊，佢不欲做「不存在嘅區議員」，只有辭職一個選擇。
梁凱晴：保持憤怒不麻木
早前因去年「六四集結案」被判囚4個月嘅觀塘區議員梁凱晴亦有發布獄中信，佢話坐監係磨練忍耐力嘅地方，希望出獄後唔會因為少少事而情緒化，但亦稱對社會事件，要時刻警惕自己應保持憤怒，先唔會變得麻木。
更多港聞
【Emily】龍尾泳灘明啓用 議員視察：問題唔少
【明報專訊】夏日炎炎，鍾意游水嘅市民又多一個好去處。全長約200米嘅大埔龍尾泳灘聽日（23日）啓用，設有更衣室、淋浴設備等，噚日一班大埔區議... 詳情
【Emily】李家超論移民者：無謂後悔莫及 話新盤沽清證多人想留港
【明報專訊】自《港區國安法》去年6月底生效後，香港再度出現移民潮，保安局長李家超接受now新聞台訪問時話，因為港人出境毋須交代理由，所以冇移... 詳情
【明報專訊】選舉近了，立法會政制事務委員會噚日討論9月舉行嘅選委會選舉。工聯會陸頌雄關注參選人申報政治聯繫，話香港冇政黨法，政黨定義比較模糊...
詳情
【明報專訊】東涌街坊下年可望去臨時街市買餸，嗰度會有約36個售賣魚肉、蔬果等新鮮糧食嘅攤檔，街市有冷氣，場地用天幕覆蓋。食物及衛生局噚日宣布...
詳情
航天科學家講座中學直播 中聯辦統籌 教局促校長安排師生觀看
【明報專訊】神舟十二號載人飛船上周升空，3人入住太空站。教育局周五（25日）舉行1小時45分鐘網上直播講座，由內地航天科學家向中學生分享航天... 詳情相關新聞
