【Emily】關注政治聯繫申報 陸頌雄質疑係政黨 教協：匪夷所思
[2021.06.22] 發表
【明報專訊】選舉近了，立法會政制事務委員會噚日討論9月舉行嘅選委會選舉。工聯會陸頌雄關注參選人申報政治聯繫，話香港冇政黨法，政黨定義比較模糊，「一啲立場鮮明嘅專業團體例如記協、教協，佢哋係反對派立場，政治參與非常出位」，質疑呢啲組織係政黨，如果核心成員申報做獨立候選人係違規。總選舉事務主任翁應輝回應話，申報政治聯繫要小心，建議候選人先徵詢法律意見再填寫。
選舉主任籲候選人徵法律意見
教協總幹事沈偉男話，以往教協派出參選人，都會申報相關嘅政治聯繫，但佢形容陸頌雄嘅質疑係「匪夷所思」，強調教協嘅定位係「工會」。至於教協係咪反對派，沈偉男質疑，工聯會都試過反對政府政策，係咪可以被定性為「反對派」，批評陸「上綱上線」。
另外，陸頌雄會上亦關注前年區議會選舉中懷疑出現重複排隊情况，「擔心有人用類似惡作劇方式干擾選舉」，問當局今次有冇預防措施。翁應輝回應話，「兩年前選舉出現嘅惡作劇，係某一個年齡組別嘅人士，針對另一個年齡組別嘅人士」，話今次選舉中已增設「關愛隊」，減低票站受到滋擾。
更多港聞
【明報專訊】東涌街坊下年可望去臨時街市買餸，嗰度會有約36個售賣魚肉、蔬果等新鮮糧食嘅攤檔，街市有冷氣，場地用天幕覆蓋。食物及衛生局噚日宣布...
詳情
航天科學家講座中學直播 中聯辦統籌 教局促校長安排師生觀看
【明報專訊】神舟十二號載人飛船上周升空，3人入住太空站。教育局周五（25日）舉行1小時45分鐘網上直播講座，由內地航天科學家向中學生分享航天... 詳情
相關新聞
