【Emily】反修例住3晚酒店 邵家輝任內最難忘
[2021.10.22] 發表
【明報專訊】本屆立法會會期下周六(30日)終止，自由黨批發及零售界議員邵家輝、民建聯鄭泳舜(Vincent，圖)噚日喺立法會分別請記者食餅。邵家輝話，任內最難忘事係2019年社會事件，唔少建制派包括佢被起底，佢有3晚要住酒店，因被通知要離開屋企。但佢話感受到建制派團結，話要開會「大家一齊行就一齊行」。
被問爭取連任 鄭泳舜：好喜歡呢個工作
邵家輝初入立法會時兼任區議員，但發現成日都無法離開立法會、工作量比想像中大，所以2019年唔爭取連任區議員。佢提到，自己係參與最多委員會嘅議員，話辛苦唔緊要，最緊要係幫到好多業界，好多人經facebook搵佢幫手，包括「之前鬧到我飛起」嘅人，佢都有幫對方，否則對方公司可能倒閉。至於會否爭取連任，佢就話未知。
而Vincent話，過去幾年嘅經歷深刻，𠵱家政治環境較穩定，可以推動唔同議案。至於會否爭取連任，Vincent冇正面回應，但話會繼續努力，「我都好喜歡呢個工作，覺得能夠幫到市民」。特首選舉明年3月舉行，參選人須年滿40歲，Vincent年齡亦達標，被問會否參選特首，佢聽到立即笑出聲，「你話呢？你呢個(問題)玩我」。
更多港聞
【Emily】長者疫苗接種日 羅蘭胡楓到場打氣
【明報專訊】負責推展社區疫苗接種計劃嘅公務員事務局長聶德權，早前要求各區民政事務處幫手鼓勵長者打針。佢噚日喺facebook話，深水埗民政事... 詳情
【Emily】推廣中華名句 楊潤雄選《靜夜詩》
【明報專訊】「舉頭望明月，低頭思故鄉」，呢句由「詩仙」李白所作嘅《靜夜思》詩句大人細路都識背。教育局長楊潤雄噚日喺facebook講到當局推... 詳情
【明報專訊】平時買嘢大家都知道最好貨比三家，相信大家總有一兩個親友係格價格到盡，不得不佩服佢哋點解可以做咁多功課、知道咁多優惠。如果你都有個...
詳情
消費考察報告獎 鼓勵重省權利責任 製App掃單記帳 助同學擺脫「月光」
【明報專訊】不少人會衝動消費，有中學生想出妙計，設計出掃描消費單據的手機應用程式，讓學生知悉消費金額，從而改善儲蓄習慣，不再做「月光族」。這... 詳情
相關新聞
