【Emily】教大頒榮譽院士 神奇小子蘇樺偉：好耐無獲關注 電影令人諗起我
[2022.10.29] 發表
【明報專訊】「神奇小子」蘇樺偉噚日獲香港教育大學頒授榮譽院士，佢致辭時提到，早前電影《媽媽的神奇小子》上映，加上東京奧運同殘奧嘅熱潮，令好多人諗番起佢以前喺跑道上嘅表現，佢仲好謙虛咁話，自從2016年因腰傷退役後，都好耐無得到關注。同好多退役運動員唔同，蘇樺偉退役後無做教練，先後加入咗香港傷殘人士體育協會同香港殘疾人奧委會，佢噚日就話，一直覺得自己唔係好適合做教練，亦唔會做教師，今次可以用另一個身分加入教大，所以好開心。
「只要有付出，就會有成績」
蘇樺偉噚日話，自己係一個鍾意跑步嘅殘疾人，仲一直相信努力可以改變一切，「只要有付出，就會有成績」，佢希望自己嘅成長故事、遇到嘅困難，可以鼓勵其他殘疾人，帶正能量畀大家，更希望香港人喺日常生活中，都多啲關注殘疾運動員同殘疾人。
蘇樺偉自1996年連續5屆出戰殘奧會，奪得6金3銀3銅，仲多次打破世界紀錄，至今係男子T36級200米徑賽跑殘疾人士殘奧運紀錄保持者，又8次獲得香港傑出運動員獎。
更多港聞
【明報專訊】前民陣召集人陳皓桓（Figo）因多宗未經批准集結案件入獄，月初刑滿出獄。佢噚日收到警方西九龍反黑組來電，問佢記唔記得一宗未經批准...
詳情
【Emily】中大創新日展科研成果 AI睇實BB瞓覺
【明報專訊】中大噚日舉行「第二屆中大創新日暨電梯募投大賽」，展示好多中大學者嘅科研成果，其中中大信息工程學系教授刑國良嘅團隊研發嘅「智能嬰兒... 詳情
相關新聞
