【明報專訊】𠵱家新一代愈來愈流行去工作假期，原來已經有近9萬名香港青年參加，Emily多數聽到都係去澳洲或者新西蘭。下年1月1日起 ，將會新增荷蘭呢個選擇！ 本港同荷蘭4月簽署諒解備忘錄，設立雙邊工作假期計劃。簽證可以畀香港同荷蘭嘅青年人喺東道經濟體系逗留最多12個月，其間可以打工掙錢或者報讀短期課程。荷蘭駐香港總領事呂安微(Annemieke Ruigrok)話，歡迎本港青年人把握呢個獨特機遇去荷蘭體驗，亦希望荷蘭青年人來港體驗。勞工及福利局長羅致光話，相信青年交流將會進一步加強香港同荷蘭嘅雙邊關係。 自2001年起，香港已先後同新西蘭、澳洲、愛爾蘭、德國、日本、加拿大、韓國、法國、英國、奥地利、匈牙利、瑞典及荷蘭簽訂工作假期計劃，至今已有約8.8萬名香港青年人參與，搞到Emily都心思思想去工作假期呢。
|
| |
| |
;)
