【明報專訊】2月5日就係農曆新年，唔少人都等新鈔封利市，金管局噚日公布3間發鈔銀行本月23日起會提供鈔票兌換服務，為各款面額提供足夠嘅新鈔票及「迎新鈔(經使用但仍簇新鈔票)」，以應付市民需要。金管局話，本港流通鈔票嘅新淨程度一向非常高，外觀完好嘅舊鈔都適合封利市，鼓勵市民用「迎新鈔」。 3間發鈔銀行舊年發布新版鈔票系列，首次喺5款面額鈔票上採用相同主題設計，繼主題為「國際金融中心」嘅新版1000元「金牛」去年12月推出後，新版500元「大牛」亦會喺1月23日開始流通，主題係「香港地質公園」，到時市民可以去銀行兌換。
|
| |
| |
;)
