【明報專訊】譚詠麟(阿倫)前晚偕旗下歌手、前男團Square成員趙浚承(Gary)為ViuTV音樂節目《譚音樂譚欣賞大本型》錄影。阿倫透露今年的工作已排到11月，日前日本之旅主要是食。是否跟老友曾志偉一樣自駕遊？阿倫笑說：「佢是在雪地，我唔係嘛。不過車禍都唔關佢事的，佢都好無辜。我們還笑佢中完三T後好似獲利回吐咁，不過今年無事了，所有衰嘢都走晒，亦不需解釋咁多，大家有眼睇的。」阿倫表示有跟志偉去旅行，去年還入住志偉開設的民宿，大爆對方現在是大地主，在日本伊豆、大阪等地都有開設民宿，「所謂矮仔多計，佢真是打跛腳都唔憂」。 趙浚承多得阿倫鼓勵 阿倫向傳媒大力推介一直跟他走巡唱的旗下歌手趙浚承(Gary)，笑指對方有兩個願望，第一個願望是加入明星足球隊，已經實現。第二個願望是做歌手。Gary表示當自己猶豫是否繼續唱歌時，多得阿倫鼓勵，兩年多前去了北京參加《星光大道》比賽，最後攞到第3名。阿倫表示會嚴格教導對方；Gary亦稱阿倫對他每次的演出都有評語，但不會太苛刻，會就住來。 記者：陳釗 攝影：劉永銳 ■更多娛樂猛料 ﹕ol.mingpao.com
|
| |
| |
;){kind=small}
;){kind=small}
;)
