【明報專訊】今年多間大學學生會從缺或候選內閣落選，中大係唯一出現「撼莊」嘅大學，噚日終於有選舉結果，投票率18.5%，內閣「晨煦」以2262票當選，大幅拋離只得913票嘅對手「乘風」。 「晨煦」會長蘇浚鋒同Emily分析勝出原因，相信係同學睇到佢哋競選期間有做實事，例如關注中大被「鴨仔團」迫爆，又覺得同學認同內閣嘅政治理念。蘇浚鋒又話，欣賞校長段崇智關注校內交通、同學膳食等問題，但就覺得校長上任以嚟對學生會態度較冷漠。佢話期望校長日後應邀出席活動，聽多啲學生意見。 中大選舉結果上訴期由26至28日，如果無人上訴，結果就作實。今年本港八大暫時只有中大同理大有新莊，其餘從缺，又或再招莊後可能補選。
|
| |
| |
;)
