【明報專訊】香港呢個彈丸之地，其實都有好多唔同種類嘅雀仔。香港觀鳥會前日周日舉行「觀鳥馬拉松2019」，今年大會第一次搞「體驗賽」畀無觀鳥經驗嘅新手參加，食衛局前局長高永文同天文台前台長林超英、香港單車隊前代表黃金寶等，擔任體驗賽嘉賓組嘅「名譽領隊」，組成「禾花雀」隊參賽。 盼大家支持本地農產品 喺「體驗賽」同「親子賽」，109個參賽者組成隊伍，喺塱原、九龍公園及米埔兵分幾路，鬥快喺7個鐘內觀察到最多種類嘅雀仔。當日好多人係第一次參加觀鳥賽，佢哋都好驚訝原來身邊有咁多品種嘅雀仔。本身係「香港觀鳥會禾花雀保育大使」嘅高永文話，相信大家唔希望禾花雀絕種，除咗支持鳥類研究，大家可以做嘅就係支持本地農產品，希望禾花雀去到邊都有米食。佢仲話，希望黃胸鵐(即禾花雀)嘅保育好似黑臉琵鷺咁成功！
|
| |
| |
;){kind=small}
;)
