【明報專訊】「六四事件」今年30周年，支聯會重置「六四紀念館」，惟今個月7號紀念館嘅大門鐵閘就被打開，鐵門鎖頭唔見咗，牆身10個插座、總電掣同總電掣箱仲被疑似鹽水淋濕。不過，支聯會噚日宣布，紀念館會如期喺今個月26號中午12點重開，因30年前當日，《人民日報》發表題為〈必須旗幟鮮明地反對動亂〉社論，而展館主題為「記憶．公義．希望」，並加入虛擬實境(VR)展品，畀參觀者喺民運歌聲當中，恍如置身六四燭光集會現場。 5月1日至6月16日免費入場 紀念館透過文獻、錄像同圖片等介紹六四事件，同時展出六四死難者同倖存者嘅物件，包括由「天安門母親」張先玲同徐珏捐出其遇難兒子王楠同吳向東嘅遺物等。紀念館設於旺角道11至13號藝旺商業大廈10字樓，公眾可於5月1日至6月16日(星期一至日及公眾假期)中午12時至下晝6時免費入場，歡迎自由捐款。
|
| |
| |
;)
