【明報專訊】患腎衰竭嘅教育局前局長孫明揚(孫公)，退休21個月，除咗早幾日去理大講talk外，好少公開露面。佢噚日去瑪麗醫院洗完血(接受血液透析)時，就畀Emily撞到，Emily梗係即刻關心佢，孫公就笑笑口、點點頭示意健康OK。 隔日洗血 老婆接送 孫公話佢隔日就要去洗血，朝早6點幾出門口，洗足5個鐘，中午先可以返屋企。Emily以為佢當時等緊司機接送，點知佢好搞笑咁話﹕「我老婆咪司機囉！」兩公婆果然恩愛呀！孫公又話因為成日要洗血，唔可以去旅行，主要弄孫為樂，「淨係玩，湊就唔湊嘞」。 𠵱家政圈咁熱鬧，Emily問佢最關心咩新聞，點知佢腦筋一轉，好鬼馬咁話﹕「曼聯對拜仁，1比1！」唔係呃你，一向係曼聯迷嘅孫公，周三凌晨都要睇歐冠盃，Emily問佢做乜仲捱夜呀，佢話「咁可以調節㗎嘛，眼瞓時咪瞓囉」。見孫公精神飽滿、肚腩細咗，好似幾fit咁，Emily都放心啲。
|
| |
| |
;){kind=small}
