【明報專訊】立法會保安事務委員會噚日繼續開會選舉正副主席，民主黨立法會議員胡志偉被DQ(取消參選資格)，無得競逐委員會主席。志偉絕對唔係因為政治立場被DQ，只係因為佢已經擔任咗經濟發展事務委員會副主席，按規定唔可以再競逐其他委員會嘅正副主席。 不過保安事務委員會噚日都係未選出正副主席，目前有13個立法會議員競逐主席一職，當中包括12個泛民議員及民建聯陳克勤。民主派要求候選人辯論，而噚日唔夠時間，所以又要再另行安排時間繼續選舉。 另一方面，立法會政制事務委員會噚日開第二次會，最終民建聯張國鈞擊敗13個民主派議員連任主席，不過仲未選出副主席，要留待下次會議。張國鈞出戰區議會選舉中西區西環選區，同區候選人包括民主派彭家浩同黃美𡖖。
|
| |
| |
;)
