特奧火炬跑籌得210萬
[2015.04.27] 發表
【明報專訊】全港運動會前晚開幕式有點聖火，噚日沙田亦有「火炬跑」活動，就係一年一度嘅「特奧執法人員火炬跑」，超過3500個來自執法部門、特殊學校及公眾人士都有參加呢個跑步活動，由沙田運動場出發，跑過城門河段超過3.5公里嘅路程，為智障運動員籌得超過210萬元。
擔任主禮嘉賓嘅保安局長黎棟國話，多年嚟特殊奧運會培育唔少智障運動員，等佢哋喺體壇有追尋理想同一展所長嘅機會，希望籌得善款可以為更多運動員提供專業訓練同參賽機會。香港特殊奧運會主席凌劉月芬就話，今次火炬跑所籌得善款，大部分會用作備戰7月喺美國舉行嘅2015特殊奧林匹克夏季世界比賽之用，香港代表團一行有120人，期望佢哋會有好消息。
更多港聞
【明報專訊】發動中大學生會退出學聯的中大本土學社及中大學生會退聯關注組，共同呈交873份支持發起退聯公投的聯署，但經中大學生會代表會點算後，...
詳情
【明報專訊】近年升學主義盛行，在不少年輕人、家長心目中，能夠擁有學位、高薪厚職比其他一切的價值更為重要。就如個案中，當初一起與陳子翔研究的兩...
詳情
相關新聞
