【明報專訊】中環摩天輪上年12月重開，票價由100元減至20元，短短約7個月，噚日就慶祝接待第100萬名訪客！雖然Emily未有機會去坐坐摩天輪，但聽聞摩天輪同隔籬嘅「AIA Vitality公園」有第二階段發展計劃。今個夏天，現場會裝設LED熒幕，播出各種娛樂內容，亦會有音樂同話劇等現場表演。 除咗有嘢睇，仲有嘢玩。公園會增添合家歡設施，包括特製傳統旋轉木馬同燈塔滑梯，票價分別為30元同25元，但呢兩項設施仍要等發牌先會正式開放。另外，本地藝術家「飛天豬」會繪畫4個香港場景，成為場地設施嘅布景。摩天輪仲會同香港海事博物館合作，喺今年底前推出擴增實境體驗(AR)，訪客下載免費嘅應用程式，就可觀賞香港嘅歷史圖片、影片同相關介紹，經歷猶如置身舊日香港。講到咁吸引，Emily都要留名等睇！
|
| |
| |
;){kind=small}
