【明報專訊】政府早年話加強區議會功能，包括下放資金，放手畀區議會做小型工程，不過唔知係咪百物騰貴還是區會成員都雄心壯志，Emily噚日見到呢啲小型工程造價都唔小嘢，喺今年首季工程每宗平均造價去到160萬元，較去年全年平均每宗只係90萬元，增加78％，唔係小數目。 民政事務局噚日答立法會議員劉國勳查詢，提起2016年時區會小型工程平均造價只係60萬， 去年去到90萬，至今年首季就160萬元。今年首季每宗工程平均施工期，由施工至完成平均要用5個月。 去年最多小型工程嘅三甲區份依次係葵青、九龍城及荃灣，分別有55、53及35宗；最少係油尖旺(5宗)。
|
| |
| |
